Nun esforzo por impulsar a comprensión e empatía polo anxioedema hereditario (AEH), compracémonos en presentar esta exposición única que procura botar luz sobre este problema. Aquí, embarcarémonos nunha viaxe informativa e emotiva destinada a educar, sensibilizar e fomentar un maior apoio para aqueles que viven co AEH.
Si, Juan padece anxioedema hereditario (AEH), que é unha doenza que pode limitar a súa actividade diaria ao provocar episodios de inchazón e dor, pero sen proído, en diferentes partes do corpo, como son: a cara, as extremidades, o abdome, a gorxa, etc.
Cres que María, mesmo gozando dunha viaxe, pode chegar a ter unha complicación?
María, que tamén padece AEH, pode ter episodios con náuseas, vómitos, diarrea e, posiblemente, obstrución das vías respiratorias que pode chegar a poñer en perigo a vida. Estes síntomas poden aparecer tras un trauma, unha infección, un procedemento médico ou estrés. Por iso, un diagnóstico tardío ou inexacto do anxioedema hereditario pode causar dificultades graves.
Rosa ten 22 anos, dende hai canto cres que ten síntomas?
A Rosa diagnosticáronlle AEH xa na universidade, con 21 anos. O inicio dos síntomas adoita ser na primeira e segunda década de vida, e os síntomas máis incapacitantes danse na puberdade. A duración dos episodios de edema adoita ser de 2 a 5 días e, dependiendo da zona, poden chegar a ser moi invalidantes.